rettssytemet

Stålsett sine kjensler eller lov og rett?

  

Har lese dykkar avis sitt forsvar av Gunnar Stålsett sitt brot på asyllova. Det avisa bring til torgs er noko av det verste vås eg har lese på lenge, det er heilt på linje med det ein finn i venstresideavisene som meir enn gjerne opnar dørene for fri masseinnvandring.

"Biskopen dømt for nestekjerlighet", er overskrifta på artikkelen.

No er det tvilsamt at det er denne "biskopen" sin nestekjærleiken som er drivkrafta hans når han har gått inn i asylbransjen. Det er nok heller som aktivist for å strekke strikken så langt som mogeleg for å prøve kor langt han og hans miljø kan gå. Han veit at han får full støtte frå avisene som nesten utan unntak forsvarar han og hans lovbrot. Lenge trudde eg at Norge i Dag skulle vere eit unntak innan avisbransjen der vi kunne finne argument som stod i motstrid til mediaeliten sin samstemde hylling av det multietniske kaossamfunn. Men slik er det altså ikkje.

 

Dommen mot Stålsett var feil, dermed må lova endrast, skriv avisa. Slik har det vorte i dette landet som eingong langt tilbake i tid var ein rettstat der lova var lik for alle, enten det var Jørgen Husmann eller kong Salomo. Når det oppstår, og det gjer det ofte, noko som ikkje passar framande tilreisande og deira støttegrupper, då hamnar sakene snøgt på øverste politiske bord, med krav om endring for asylantar/ migrantar og deira velgjerarar. Og advokatar står i kø for å bistå, helst gratis, eller så er det nok staten - vi - som får svi. Slike støttegrupper av velgjerarar finns det ein krattskog av. Og som regel, som vi må forvente når statsrådar og andre maktpersonar utan ryggrad vert møtt med motstand frå "biskopar" og andre asylaktivistar, så vert lover og regelverk omskrivne til beste for dei nye herrefolka og deira beundrarar.

" -- nestekjærligheten som gir mat, husly og arbeid for de som midlertidig er innenfor grensene, kan heller ikke oppheves", skriv avisa.

Dette er vås, herr redaktør/redaksjon!

Ein er ikkje midlertidig innanfor grensa når ein nektar å returnere etter lovlege fatta vedtak. Det er heller ikkje "midlertidig" når ein oppheld seg gjennom tiår utan å fylgje vedtak om retur. Og når ein så får rett til både arbeid og alt som fylgjer med eit opphald, kven vil då reise tilbake til landet dei kom frå, annan enn på ferie? Det burde vere ei skam for både denne "biskopen" og dei som støttar hans sak å synes det skulle vere straffefritt å vere lovbrytarar. På same vis burde det vere ei skam å gi pengar for slik ulovlege handlingar. Men når ein såg kva miljø dei kom frå desse som stilte som heiagjeng for Stålsett i retten, så veit ein at det er slike miljø som hevdar at lover og bestemmelsar skal lagast i deira ånd og tanke. Det vert "demokrati" og "kristen-rettstat" av slikt, om eg forstår Norge i Dag rett, og det trur eg at eg gjer.

 

Eg kan også minne om den såkalla "Ali-saka", der ein ung iranar vart halden i kyrkjeasyl og der det vart skapt eit massehysteri for at mannen skulle få vere i landet. No vart ungdomen heldigvis fakka av politiet og etter ei tid send tilbake til familien i Iran. Seinare kom han til Tyskland og kunne fortelje at det ikkje var han, men støtteaktivistane, mellom dei Gunnar Stålsett, som stod bak det å halde han i kyrkjeasyl. Det største problemet for han, i høve til styresmaktene i Iran, var all negativ omtale av heimlandet hans som kom frå media og dei som ville hindre heimsendinga, fortalde han. Stålsett vart så konfrontert med historia frå mannen, og spurd om ikkje det var galt å bløffe om historia til asylsøkjaren, noko "biskopen" ikkje syntes det var noko ille ved.

Eg synes det er leit at ei av dei få avisene eg støttar gjer seg til talerør for ein politikk som står i sterk motstrid til mi sak, nemleg vern om landet mitt som vi har fått i arv frå våre slekter. Det er to bidragsytarar i Norge iDag som eg finn mest glede og støtte i å lese, det er artiklane frå Michal Rachel Suissa og Dan Odfjell. Men vert avisa meir ei asyl- og migrantavis enn kva den no viser teikn på så kan ikkje eingong desse to gje meg grunn til vidare abonnement.

I siste avsnitt av avisa si hylling av Stålsett og hans ulovlege framferd kan eg lese " Gud velsigne kongen og fedrelandet". Ja, Gud må velsigne og redde fedrelandet, men ein konge som seier at: nordmenn har innvandret frå Afghanistan, Pakistan, Somalia, Syria m.fl. fortel meg om ein konge som ikkje kjenner sitt folk og sitt land - Og dette er ikkje min konge! Og det skuldast ikkje meg, men han.

 

Norvald Aasen, 6983 Kvammen.

Tillegg.

I begynnelsen av april fikk Fredrikstad tingrett en intrikat sak på bordet. Et kjærestepar, en kvinne og en mann med norsk statsborgerskap, hadde inngått hvert sitt falske ekteskap for å få to av kvinnens familiemedlemmer til Norge.

Mens kvinnen inngikk proformaekteskap med sin lillebror, så inngikk mannen et falsk ekteskap med kvinnens søster. Proformaekteskapene skal ha skjedd tilbake i 2013.

Kjæresteparet hjalp så sine «ektefeller» til å søke om oppholds- og arbeidstillatelse på familiegjenforeningsgrunnlag i Norge, ved å oppgi at de var gift til tross for at det var et proformaekteskap.

Nå er kvinnen, mannen og søsteren dømt til 90 dagers fengsel av domstolen. Lillebroren har status som siktet, men han reiste tilbake til hjemlandet sitt for flere år siden.

I tillegg viste det seg at søsteren hadde mottatt over én million kroner i støtte fra Nav.

I en pressmelding fra Øst politidistrikt, som etterforsket saken, vises det til at bare i fjor kom ca. 11.000 førstegangssøknader om familieinnvandring.

- Omfanget av uriktige søknadsopplysninger er vanskelig å avdekke. Det er ikke lett å kontrollere om en vigselattest fra utlandet er forfalsket. Disse særlige kontrollproblemene som gjør seg gjeldende på utlendingsfeltet, er det grunn til å reagere strengt mot uriktige opplysninger på dette området, heter det i pressemeldingen.

https://www.nettavisen.no/okonomi/oppholdt-seg-ulovlig-i-norge---fikk-en-million-fra-nav/3423659855.html

 

 

Annonser